सुजन काफ्ले। दोलखा । जिल्लाको गौरीशंकर गाउपालिका जुँगुका पहिरो पीडितहरुका लागि वैदेशिक रोजगारीमा सिलसिलामा रहेका दोलखाली युवाहरुले आर्थिक सहयोग गरेका छन् ।
अष्ट्रेलिया, जापान र दुवईमा रहेका दोलखाली युवाहरुले पहिरो पीडितको आर्थिक सहयोग गरेका हुन् ।
दोलखा समाज जापानका महासचिव रोशन थापाको अगुवाईमा संकलन भएको १ लाख , अस्ट्रेलिया रहेका जिल्लाका युवाहरु राजकुमार खड्का र बिष्णु थापाको पहलमा सँकलन भएको १ लाख २७ हजार ३ सय ३०र दोलखाली समाज युएईका अध्यक्ष नवराज बस्नेत र महासचिव सन्तोष भुजेलको अगुवाईमा संकलन भएको ४१ हजार ५ सय ९२ र सोही समाजका सचिव लोकप्रसाद दाहालको अगुवाईमा संकलन भएको २७ हजार ५ सय ५ गरी २ लाख ९६ हजार ४ सय २२ रुपैयाँ पहिरो पीडितलाई जुटेको रकम सहयोग गरेका हुन।
बुधबार सदरमुकाम चरिकोटमा आयोजित एक कार्यक्रमका बिच सहयोग वापत प्राप्त रकम गाउपालिकाकी उपाअध्यक्ष उर्मिला थामिलाइ हस्तान्तरण गरिएको थियो। रकम पहिरो पीडितको राहत र पुननिर्माणका लागि राहत कोषमा जम्मा गरिने उपाअध्यक्ष थामीले जानकारी दिए । कार्यक्रममा पूर्वराज्य मन्त्री एवँ नेकपा दोलखाकी ईन्चार्ज देवी खड्का र प्रदेश सभाका सांसद विशाल खड्काको उपस्थितीमा रकम हस्तान्तरण कार्यक्रम सम्पन्न भएको थियो।
