दोलखा १५ मंसिर
निर्वाचन सकिएको ६ महिना पछि दोलखा उद्योग वाणिज्य संघले पुर्णता पाएको छ ।
संघको आइतबार चरिकोटस्थित सचिबालयमा बसेको पुर्ण बैठकले २ जना कार्यसमिति सदस्य र ४ जना सल्लाहाकार मनोनित गरेसँगै संघले पुर्णता पाएको हो ।  मनोनित हुने कार्यसमिति सदस्यहरुमा सिंगटी शाखाका टिकाभक्त शिबाकोटी र मागा देउराली शाखाका कर्ण बहादुर श्रेष्ठ रहेको दोलखा उद्योग वाणिज्य संघका अध्यक्ष इन्द्र बहादुर श्रेष्ठले जानकारी दिए । खुल्ला, एसोसियट र आरक्षण सहित १६ जना अध्यक्ष सहित कार्यसमिति सदस्य निर्वाचित भएको संघमा २ जना मनोनित र एक निवर्तमान अध्यक्ष गरि १९ जना रहने बैधानीक व्यवस्था छ । अध्यक्ष श्रेष्ठका अनुसार दसौं पुर्ण बैठकले ४ सदस्सीय सल्लाहाकार समिति समेत मनोनित गरेको छ । सल्लाहाकारमा मनोनित हुनेहरुमा रामेश्वर मानन्धर , पृथ्वीबहादुर श्रेष्ठ , बाबुकाजी बस्नेत र शुन्दर कुमार श्रेष्ठ रहेका छन् । संघको प्रेश सल्लाहाकारमा भने यस अघिनै पत्रकार श्याम खतिवडा मनोनित भैसकेको र अब सल्लाहाकारकोहरुको संख्या ५ जना पुगेको संघका महाँसचिब हेमराज रिमालले बताए  । दसौं पुर्ण बैठकले संघमा लामोसमय देखि महत्वपुर्ण योगदान पु¥याएको भन्दै चरिकोटका व्यवसायी गंगासागर श्रेष्ठ , मैनापोखरी शाखाका अर्का व्यवसायी हरि प्रसाद दाहाल र लामो समयदेखि पत्रकारिता पेशामा आबद्ध संघका पुर्वसचिब समेत रहेका पत्रकार चिरन्जीबी मास्केलाई संघको मानार्थ सदस्यता प्रदान गर्ने निर्णय गरेको छ ।
१० दिने बृहत दोलखा महोत्सब गर्ने निर्णय
संघको दसौं पुर्ण बैठकले पर्यटन वर्ष २०२० लाई लक्षित गरि १० दिने बृहत दोलखा महोत्सब आयोजना गर्ने निर्णय गरेको छ । संघका अध्यक्ष इन्द्र बहादुर श्रेष्ठका अनुसार स्थानीय तह , प्रदेश सरकार र संघिय सरकार सहित अन्य सम्पुर्ण सरोकारवालाहरुसँगको सहकार्यमा फागुन २१ गते देखि फागुन ३० गतेसम्म १० दिने बृहत दोलखा महोत्सब आयोजना गर्ने निर्णय भएको बताएका छन् । उनका अनुसार दोलखालाई आन्तरिक तथा बाह्य पर्यटकको नजरमा उत्कृष्ट पर्यटकिय गन्तब्यका रुपमा विकास गर्न महोत्सब आयोजना गर्न लागिएको हो । अध्यक्ष श्रेष्ठले अन्तराष्ट्रिय समुदायमाँझ नेपालको दोलखा उत्कृष्ट र सुरक्षित पर्यटकिय गन्तब्यका रुपमा विकास गर्न उक्त महोत्सब जरुर रहेको भन्दै सम्पन्न गर्नका लागि आम दोलखाली नागरिक सँगै अन्य सरोकारवाला निकायको सहयोग आबश्यक रहेको बताएका छन् । उनका अनुसार फागुन अगाबै महोत्सब गर्ने भनिएपनि जिल्लाका विकास निर्माणसँग सम्बन्धित केही समस्याका कारण फागुनको अन्तिम साता रोजिएको उपयुक्त भएको भन्दै सोही अनुसारको तयारी गरिएको हो ।