सुजन काफ्ले
मंसिर , २३
दोलखा। नेपाली काङ्ग्रेसका केन्द्रीय सदस्य एबम प्रभावशाली नेता डा. शेखर कोइरालाले नबनिर्मित विद्यालय भवनको उद्घाटन गरेका छन
सोमबार जिल्लाको तामाकोसी गाउपालिका वडा नम्बर २ झुलेमा रहेको अमर माध्यामिक विद्यालयको नबनिर्मित भवनको उद्घाटन तथा हस्तान्तरण गरेका हुन।
एडिबीको करिब ५ करोड सहयोगमा निर्माण गरिएको २२ कोठे भवनको उद्घाटन गर्दै कोइरालाले विद्यालय कुनै राजनीति थलो नभएकाले विद्यालय लाइ राजनीति बाट टाढा राख्नुपर्ने बताए। शिक्षकहरु विद्यालयलाई राम्रो बनाउन भन्दा नि राजनीति तिर लागेको आरोप लगाउदै कोईरालाले यसले विद्यार्थीको भबिस्यमाथि ठुलो खेलबाड गरेको र यसले विद्यालय र विद्यार्थी दुबैलाई हानी पुर्याएको बताए।
कोइरालाले भने ” विद्यालय, शिक्षक र अभिभावक को सम्बन्धले नै विद्यालयको स्तर निर्धारण गर्ने हुँदा यी तीन कुराको सम्बन्धमा विशेष ख्याल गर्नु पर्छ।
आफू पनि पहिले शिक्षक पेशामा रहेका कारणले विद्यालयको अबस्थाबारे चासो राख्ने गरेको उनले बताए। कार्यक्रममा विद्यालय ब्यवस्थापनमा सहयोग गर्ने ब्यक्तिहरुलाई सम्मानको साथै रक्तदान कार्यक्रम पनि गरिएको थियो।
२००८ सालमा स्थापना भएको सो विद्यालयमा डाक्टर गोबिन्द केसि र नेपाल सरकारका सचिब देवेन्द्र कार्किले समेत अध्ययन गरेको विद्यालय हो।
कार्यक्रममा नेपाली काङ्ग्रेसका जिल्ला स्तरिय नेताहरु, तामाकोशी गाउपालिकाका प्रमुख , बिगु गाउपालिका प्रमुख ,वडा अध्यक्ष लागयत जनप्रतिनिधिहरु, शिक्षकहरु समाजसेवी , बुद्धिजीवी लगायत विद्यार्थीहरुको उपस्तिथिमा सम्पन्न भएको थियो।
