सुजन काफले
दोलखा। गाउँ गाउँमा सिंहदरबारका नारा लिएर आएका स्थानीय सरकार हरुले दिएको सेवाले गाउँ गाउँमा सिंह मात्र आएको र सिंहदरबारको खासै महसुस गर्न नपाएको आरोप लागिरहेको छ। यतिबेला।
गाउँगाउँमा अहिले पूर्वाधारको कमी र कर्मचारीको अभावले जनताले अहिलेसम्म पनि खासै सिंहदरबारको अधिकारको अनुभूति गर्न नसकेको चौतर्फी आलोचना भइरहेको छ।
जिल्लाको कालिन्चोक गाउँपालिकामा भने सिंहदरबार लिएर घर घरमा पुगेको छ स्थानीय सरकार। उपभोक्ता समितिहरुलाइ बिना झन्झट र छिटोछरितो ढंगले योजना सम्झौता गर्न वडा वडामा कर्मचारी सहित स्थानीय जनप्रतिनिधि पुगेको गाउँपालिकाका कार्यकारी अधिकृत नबराज वलिले जानकारी दिए। समितिलाइ योजना सम्झौता सगै तालिम पनि दिदै आएको अधिकृत वलिले बताए । गतबर्ष उपभोक्ता समिती ३ जनाले चलाउने र टाठाबाठाले मात्र समितिमा बस्ने प्रवृत्तिको अन्त्य गर्नका लागि यो अभियान सुरु गरेको उनले बताए । गाउँपालिकाका जम्मा ४ सय ३७ वटा योजना रहेकोमा पुर्बाधार निर्माण तर्फ रहेका ३०० योजना मध्य २ सय ७४ वटा अर्थात ९५ प्रतिशत योजना सम्पन्न भएको गाउँपालिकाका इन्जिनियर नारायण शिवाकोटीले बताए । योजना सम्झौता सगै अब गाउँ गाउँमा प्राबिधिक खटाइसकेको र आउदो बैशाख भित्र पुर्बाधार तर्फको योजनाको निर्माण पूरा गर्ने लक्ष्य रहेको इन्जिनियर शिवाकोटीले बताए ।
“समृद्ध गाउँपालिका निर्माणका लागि बिकास सिबिर” को मुल नारा लिएर गत भाद्र देखि सुरु भएको अभियानको सबै वडामा सम्पन्न गरेर बिहिवार गाउँपालिकाको वडा नम्बर ८ मेलडाडामा समापन गरिएको थियो। समापन कार्यक्रममा बोल्दै ३ नम्बर प्रदेश गाउँपालिका महासंघका अध्यक्ष तथा तामाकोसी गाउँपालिकाका अध्यक्ष इश्वर चन्द्र पोखरेलले समृद्धि त्यसै नआउने र सम्भावना खोजेर बजेट बिनियोजन गर्नुपर्ने बताउदै जेमा सम्भावना रहेको छ त्यसैमा बिकाश गर्नुपर्ने बताए । अहिले गाउँपालिकामा आएको बजेटले पक्की सडक बनाउन नसकिने बताउदै पोखरेलले असारमा सडक बगाउने र हिउँदमा त्यही सडक मर्मत गरेर सन्चालन गर्नुको विकल्प नरहेको बताए । निर्वाचित अबधि सकिने बेला हुन लागेपनि जनताको सेवा र उनिहरुको भावना जिते फेरि पनि निर्बाचित हुने अबस्था रहेको पोखरेलले बताए ।
गाउँपालिकाकि उपप्रमुख कालिका पाठकले कर्मचारिले दिन रात खटेर बिकाश सिबिर समापन गरेकोमा धन्यवाद दिदै स्थानीयहरुलाइ गाउँ गाउमा सिहदरबार आएको महसुस गराउन वडा वडामा बिकास सिबिर गरिएको बताइन । आफ्नो गाउँ आफै बिकाश गरौ भन्ने अभियानलाई सार्थक बनाउन टोलटोलमा योजन सम्झौता गरेकोले बिकासको अनुगमन गाउँपालिकाले गर्ने भएतापनि स्थानीय स्तरबाट बनी बिकाशको काममा अनियमितता भए खबरदारी गर्नु पर्ने पाठकले बताइन्।
नेपाली काङ्ग्रेस दोलखाका पार्टी सचिब बालकृष्ण आचार्यले योजना सम्झौता कार्यक्रम कागजमा देखाएजस्तो वडा वडामा बिकाश सिबिर गरेपनी काम हुने नहुनेमा आशङ्का रहेको बताउदै बिगतमा पनि कतिपय १० लाखको योजनाको सम्झौता गरेर १ लाखको काम पनि पुरा नगरी पुरै रकम भुक्तानी गरेको आरोप लगाए। केहि मान्छेले गत बर्ष भ्रष्टाचार गरेको भन्दै यसपाली पनि गर्न सक्ने भन्दै सचेत रहन कर्मचारी लगायत जनप्रतिनिधिलाई आग्रह समेत गरे।
कार्यक्रम ३ नम्बर प्रदेश गाउँपालिका महासंघकाका अध्यक्ष इश्वरचन्द्र पोखरेल, कालिन्चोक गाउपलिकाका अध्यक्ष बिनकुमार थामी, उपाध्यक्ष कालिका पाठक,नेकपा दोलखाका सचिब गोपाल पाण्डे , नेपाली काङ्ग्रेस दोलखाका पार्टी सचिब बालकृष्ण आचार्य , कालिन्चोक गाउँपालिकाका वडा अध्यक्ष लागायत जनप्रतिनिधिहरु ,स्थानीयस्तरका राजनितक दलका नेताहरु लगायत स्थानियहरुको उपस्थितिमा सम्पन्न भएको थियो।
