सुजन काफ्ले,
दोलखा। जिल्ला स्थानीयतहरुले पालिकाका गतिविधि समयमा नै सार्वजनिक नगरेको र पालिकाबाट सुचना पाउन कठिन भएको आरोप लागिरहेको छ। २ नगरपालिका र ७ गाउँपालिका गरि ९ वटा स्थानीय तह रहेको दोलखामा पहिलो पटक कालिन्चोक गाउँपालिका सूचना मैत्री गाउँपालिका बन्ने भएको छ। जिल्लामा नै पहिलो पटक वडा वडामा बिकाश शिबिर गरेर स्थानीयहरुलाइ गाउँमै सिंहदरबार आएको आभाष गराएर चर्चामा आएको गाउँपालिकाले अहिले फेरि जिल्लामै पहिलो सुचना मैत्री स्थानीय तह बन्नका लागि साप्ताहिक रुपमा गाउँपालिकाका गतिविधि स्थानीय सञ्चार माध्याम तथा आफ्नो वेबसाईटमा प्रकाशन सुरु गरेको छ।
स्थानीयले पालिकाले गरेको सवै कार्यसम्पादन जुनसुकै ठाउमा बसेर थाहा पाउन सकुन भनेर यो अभियानको सुरुवात गरिएको गाउँपालिकाका प्रमुख प्रशासकीय अधिकृत नवराज ओलीले बताए ।पालिकाले गरेका गतिविधिको सुचना स्थानीय स्तरमा सहज रुपमा पुगोस भनेर यो अभियान थालनी गरेको वलिले बताए ।
आफुहरु भौतिक विकास कार्यमा व्यस्त हुन्छौ ,तर त्यसको कुनै प्रचार नभएकोले यो अभियान थालनी गरिएको पालिकाका इन्जिनियर नारायण शिवाकोटीले बताए । यो अभियान सुरु भएसगै गाउँपालिका सम्पुर्ण गतिविधिहरु स्थानीय हरुले साप्ताहिक रुपमा थाहा पाउने भएका छन। सञ्चार माध्याम तथा वेबसाईटबाट देश बिदेशमा रहेको स्थानियहरुले समेत सहजै सुचना पाउने भएका छन। 
