चैत ७,
दोलखा ।जिल्ला ट्राफिक प्रहरी कार्यालय दोलखाले कोरोना विरुद्ध सचेतना कार्यक्रमको अभियान सुरु गरेको छ। बिश्व भर फैलिदै गएको कोरोना भाइरस बिरुद्द विभिन्न कार्यक्रम गरेर अभियानको सुरु गरेको हो।
सार्बजनिक सवारी साधनका चालक , सवार यात्रु लगायत स्थानीय हरु लाई कोरोना विरुद्धका विभिन्न किसिमका पर्चा पम्लेट दिएर अभियान सुरु गरिएको जिल्ला ट्राफिक प्रहरी कार्यालय दोलखाका प्रमुख गोकर्ण नेपालले जानकारी दिए। त्यसै गरि कार्यालयले कोरोना बाट कसरी बच्ने र सुरक्षित यात्रा गराउनका लागि एकपटकमा १० जना सवारी चालकलाई चेतनामूलक कक्षा सन्चालन गर्दै आएको नेपालले बताए । त्यसैगरी अब आगामी दिनमा गाडी भित्रका सिटहरु लागयत गाडिलाइ सरसफाइ गर्न लगाउने कार्यक्रम रहेको ट्राफिक प्रहरीका हवलदार जगदीश कार्किले जानकारी दिए।
केही महिना अगाडि दोलखामा सरुवा भएर आएका नेपाल ट्राफिक ब्यवस्थापनमा सक्रिय रहेका छन। आगामी दिनमा बिदाका दिनमा चल्ने सरकारी सवारी साधनको चेकजाँचमा कडाइ गर्नेको साथै किरातेछाप, खरिढुङ्गा , सिगटी लगायत विभिन्न चेकपोस्ट सवारी साधनको चेकजाँचलाई थप प्रभावकारी बनाउने योजना रहेको नेपाल बताउछन।
