सुजन काफ्ले
दोलखा ।जिल्लाको तामाकोसी गाउँपालिकाका स्थानीयहरुलाई पालिकाले जङ्गलको क्वारेन्टाइनमा नराखिएको गाउँपालिकाका प्रशाशकिय अधिकृत बिज्ञान कोईरालाले बताएका छन।
कोरोना भाइरसको माहामारी भएपछि छिमेकी देश भारत बाट फर्केका पालिकाको वडा नम्बर २ झुलेका स्थानियहरु आउनेबित्तिकै उनिहरुले नै निर्माण गरेको क्वारेन्टाइनमा बसेको र पालिकाले नजिकैको बिद्यालय राख्न खोज्दा उनिहरुले अटेर गरेर जङ्गलमा नै बसेको अधिकृत कोइरालाले बताए।
हामिहरुले पाल सहित ब्यक्तिगत प्रयोजनका सम्पुर्ण सामान लगायत ब्लाङ्केट झुल सहितको सामानको ब्यवस्था गरेर पालिकाले तोकेको बिधालय जान अनुरोध गर्दा स्थानियले नमानेपछि बसिरहेको स्थानमा नै सामनको ब्यवस्थापन गरिएको कोइरालाको भनाइ रहेको छ।
प्रत्येक दिनको दुई सय पचास भत्ता र स्वयमसेवकको ब्यवस्था गरिएको गाउपालिकाले जनाएको छ।
जङ्गलमा क्वारेन्टाइनका लागि कटेरो बनाएर राखिएको विषयले केही दिनदेखि सामाजिक संजालमा चर्को आलोचना हुँदै आएको थियो।
पालिकाले शुक्रबार नै स्थानियहरुलाइ प्रहरी प्रशासनको सहयोगमा जङ्गल बाट ब्यवस्थापन गरिएको जनाएको छ।
