सुजन काफ्ले
दोलखा ।जिल्ला तामाकोशी गाउँपालिकाले
वडा वडामा संचालन गरेको भिडियो एक्सरे( अल्ट्रासाउण्ड) सहितको प्रसुती सेवा जफे,सहरे र च्यामामा सम्पन्न गरेको छ।
गाउँपालिकाले आफ्नै स्रोतसाधनमा वडा नम्बर ३ जफे, वडा नम्बर ५ शहरे र वडा नम्बर ६ च्यामामा गरि ३ वटा वडामा घुम्ती प्रसुती सेवा सम्पन्न गरेको हो।
पालिकाले तालिमप्राप्त जनशक्तिको परिचालन गरी गर्भवती महिलाहरुको निशुल्क भिडियो एक्सरेका साथै आवश्यक ल्याब जाँच गरी बच्चा तथा आमाको अवस्था जाँच गर्ने सुविधा गाउँपालिकामा नै उपलब्ध गराएको छ।
यो सुविधा उपलब्ध हुने भएपछि गर्भवती महिलाहरुले महङ्गो खर्चमा भिडियो एक्सरेका लागि चरिकोट र काठमाडौं जानुपर्ने अवस्थाको अन्त्य भएको गाउँपालिकाले जनाएको छ।
पालिकाका सम्पूर्ण गर्भवती महिलाहरुलाइ निशुल्क सेवा पालिकाबाट नै लिन समेत गाउँपालिकाले सम्बन्धित सबैलाई अनुरोध गरेको छ । अबको केहि महिना भित्र बाकी वडामा समेत सम्पन्न गर्ने योजना रहेको गाउँपालिकाले जनाएको छ।
