सुजन काफले
दोलखा ।दोलखा । जिल्लाको तामाकोशी गाउँपालिकाले आगामी आर्थिक बर्षका लागि कूल ७१ करोड ५२ लाख ६४ हजार ४३ बराबरको बजेट पारित गरेको छ
गाउँपालिकाको नवौं गाउँसभाले आर्थिक बर्ष २०७८/७९ नीति तथा कार्यक्रम र बजेट पारित गरेको हो
डिजिटल माध्यामबाट गाउँ सभा गर्ने दोलखाको पहिलो सूचना प्रविधिमैत्री तामाकोसी गाउँपालिका बनेको छ।
गाउँपालिकाले बजेटमा स्वास्थ्य ,पुर्बाधार र सूचना प्रबिधीलाई विशेष प्राथमिकतामा राखेको छ।
पालिकालाई संघीय सरकारवाट समानिकरण, सर्शत, समपुरक र बिशेष अनुदान तथा राजस्व र रोयल्टि बाँडफाँडवाट गरी ५२ करोड ६२ लाख ९१ हजार ८ सय ७४ र प्रदेश सरकारवाट प्राप्त हुने अनुमान गरिएको छ भने बागमती प्रदेश सरकारवाट अनुदान र सवारी साधनको कार बाँडफाँडवाट ८ करोड ६१ लाख ७२ हजार १ सय ६९ आम्दानी हुनेछ ।
स्वास्थ्य संयोजक मिश्र सहित ६ जना कर्मचारी सम्मानित
गाउँपालिकाले स्वास्थ्य संयोजक मिश्र सर्वोत्कृष्ट कर्मचारीको रुपमा सम्मानित भएका छन।
कोभिड-१९ रोगको संक्रमण,नियंत्रण,रोकथाम तथा उपचारमा सफलता प्राप्त गरेको भन्दै गाऊँपालिकाले सर्वोत्कृष्ट कर्मचारीको रुपमा अरुण कुमार मिश्रलाई सम्मानित गरेको हो।
त्यसै गरि गाउँपालिकाले कर्मचारीबाट १ जना स्वास्थ्य २ जना, कार्यालय सहायक १ जना प्राबिधिक २ जना गरेर ६ जना कर्मचारीलाई सम्मान गरिएको गाउँपालिकाले जनाएको छ ।कोभिड रोकथाम तथ नियन्त्रणमा उल्लेख कार्य गर्ने लगायतका उत्कृष्ट कार्य गर्ने कर्मचारी गाउँपालिकाले सम्मान कार्यक्रम राखेको थियो।
सर्वोत्कृष्ट कर्मचारीको रुपमा सम्मानित भएका मिश्रले कोभिड-१९ रोगको संक्रमण, नियंत्रण, रोकथाम तथा उपचारमा गाऊँपालिकाका जनप्रतिनिधि ,कर्मचारी लगायत स्थानीयको सहयोगले मात्र कोरोना नियन्त्रण सफल भएको भन्दै आफुलाइ सम्मानित गरिएकोमा गाउँपालिकालाई बिशेश धन्यवाद ब्यक्त गरेका छन।
