काठमाडौं । सरकारले आजबाट प्रयोगमा ल्याएको कोभिसिल्ड र अस्ट्राजेनेका खोप प्रयोग सम्बन्धी अन्तरिम मार्गदर्शन जारी गरेको छ ।
इटालीमा बनेको खोप भुटानबाट र जापानबाट बनेको अस्ट्राजेनेका खोप प्रयोगमा सोमबारदेखि आएको जानकारी दिँदै मन्त्रालयले भुटानबाट आएको खोप भदौ १५ गतेसम्म र जापानमा बनेको असोज ३१ गतेसम्म लगाउन मिल्ने जनाइएको छ ।
१८ वर्षभन्दा कम उमेरका, पहिला अन्य कुनै कारणले गम्भिर प्रकारको प्रतिक्रिया एनाफाइलेक्सिस भएका व्यक्ति र पहिले भेरोसेल, जोन्सन तथा अन्य कोभिडका खोप लगाएकाले अस्ट्राजेनेका लगाउन नमिल्ने जनाइएको छ ।
अहिले कोभिड संक्रमण भएका व्यक्तिले संक्रमण भएको ३० दिनपछि खोप लगाउन मिल्ने उल्लेख छ । कुनै पनि कारणले गम्भिर बिरामी भएको र अहिले ज्वरो आएको व्यक्तिले लगाउन नमिल्ने निर्देशिकामा जनाइएको छ ।
