प्रधानमन्त्री ज्यू ! पछि लगाइहाल्नुभयो, मेरा केहि मान्छेलाई मन्त्री बनाइदिनोस : एमाले अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवासँग आफ्ना केहि मान्छेलाई मन्त्री बनाइदिन आग्रह गर्नुभएको छ ।

आज प्रतिनिधिसभाको बैठकलाई सम्बोधन गर्दै उहाँले एमाले नेतृत्वको सरकार ढालेर वर्तमान सरकार बनाउन भूमिका निर्वाह गर्ने एमालेका नेताहरुप्रति लक्षित गर्दै भन्नुभयो,‘पछि लाग्ने त बनाईहालनुभयो, अब मन्त्री बनाइदिनोस् ।’

उहाँले एमालेका केहि नेताहरु पदको लालचाकै कारण कांग्रेसको पछाडी लागेको कटाक्ष गर्दै भन्नुभयो,‘मन्त्री पाउने आशामा धाइरहेका छन्, मन्त्री बनाईदिनोस, बरु एमालेलाई केहि घाटा लागे लागोस ।’