काठमाडौं । अफगानिस्तानको सत्ता तालिवान विद्रोहीले हातमा लिएपछि राष्ट्रसंघीय सुरक्षा परिषद्को बैठक आज बस्ने भएको छ ।
अगस्ट महीनाका लागि अध्यक्षता प्राप्त गरेकोले भारतले बैठकको अध्यक्षता गर्ने भएको छ । बैठकमा अफगानिस्तानको पछिल्लो संकटमाथि समीक्षा हुने जनाइएको छ ।
अफगानिस्तानमा नयाँ सरकार गठन गर्ने तयारी गरिरहेको तालिवानलाई अन्तर्राष्ट्रिय मान्यता दिने वा नदिने भन्ने बहस भैरहेको बेला बस्न लागेको परिषद्को बैठकलाई अर्थपूर्ण रुपमा हेरिएको छ ।
बेलायतले तालिवान सरकारलाई मान्यता दिन नसकिने बताइसकेको छ ।
सुरक्षा परिषद्को अर्को सदस्य मुलुक चीन भने अफगानिस्तान मामिलामा अहिले मौनजस्तै छ । गत महीना तालिवान नेताहरुलाई स्वागत गरेको चीनको अहिलेको मौनतालाई पनि अर्थपूर्ण हेरिएको छ ।