सुनौलो संवाददाता । दोलखा । नेपाली कांग्रेसको १४ औं महाधिवेशनमा दोलखाका नेता तारा कुमार खड्काले जिल्ला सभापतिमा आफ्नो उम्मेदवारी दिने भएका छन् ।
नेता खड्काले जिल्लामा वर्तमान पार्टी नेतृत्व गर्व गर्न लाएक नभएको र पार्टीको स्वाभिमान ध्वास्त भएको आरोप लगाउदै विपक्षीसँग डटेर लड्नसक्ने कांग्रेस बनाउन आफुले उम्मेदवारी दिएको बताए । आगामी दिनमा जिल्ला नेतृत्वमा रही पार्टीलाई पुरानो विरासतमा फर्काउँदै सुसुचित ढंगले सञ्चालन गर्न आफु पार्टी सभापति पदमा उम्मेद्धारी दिने खड्काले बताए ।
पूर्व जिल्ला कार्य समिति सदस्य समेत रहेका खड्काले भने, ‘अत्याधिक मतले नेपाली काङ्ग्रेसलाई जिताउन महत्त्वपूर्ण भुमिका निर्वाह गर्दे नेपाली कांङ्ग्रेसलई सशक्त बनाउन, नेपाली कांग्रेसका कार्यकर्तालाई सूसुचित र संगठित बनाउन दोलखा जिल्लालाई समुन्नत ढंगले अगाडी बढाउन मेरो नेतृत्व आवश्यक रहेको छ ।’
विगत ३० बर्षदेखी नेपाली कांग्रसको भातृ संगठनमा आबद्ध हुँदै आएका खड्का यस अगाडी नेपाली कांग्रेसको ११ औ माहाधिवेसनको पूर्व प्रतिनिधी समेत रहेको जानकारी गराए ।
एकल नेतृत्व र गुटगत स्वार्थका कारण नेपाली कांग्रेस कमजोर बनेको उनको भनाई थियो । दोलखा सहित सबै जिल्लामा यो समस्या रहेको खड्काको भनाई छ । सामाजिक न्याय सहितको समाजवाद अबको आवश्यकता रहेको भन्दै नेता खड्काले थप सशक्त बनेर पार्टी र देश निर्माणमा जुट्नुपर्ने बताए ।
