युरो फाइनलमा गोल गर्न नसक्ने भन्दै सामाजिक सञ्जालमा खेलाडी विरुद्ध दुर्व्यवहार गर्ने पक्राउ

काठमाडौ। अघिल्लो महिना सम्पन्न युरो–२०२० को फाइनलपछि इंग्लयाण्डका तिन जना खेलाडीहरुलाई सामाजिक सन्जाल मार्फत नस्लीय भेदभावजन्य टिप्पणी गर्ने ११ जनालाई लण्डन प्रहरीले पक्राउ गरेको छ ।

इंग्ल्याण्डका मार्कस राशफोर्ड, जाडोन सान्चो र बुकायो साकाले युरो–२०२० को फाइनलमा इटलीविरुद्ध पेनाल्टीमा गोल गर्न नसकेपछि सामाजिक सन्जालमा अत्याधिक रुपमा नस्लीय दुर्व्यवहारका सन्देशहरु पोष्ट भएका थिए ।

सामाजिक सञ्जाल मार्फत खेलाडीहरुलाई दुरब्यहार गरेको भन्दै ६ सय भन्दा बढी निबे बेलायतको फुटबल पोलिसिङ युनिटमा परेको थियो ।
युरो फाइनलमा इटलीसँग पेनाल्टीमा पराजित भएपछि गोल गर्न नसक्ने तीन इंग्लिस खेलाडीमाथि रंगभेद भएको थियो । सामाजिक सन्जाल मार्फत १ सय २३ बटा दुरब्यवहार जन्य पोष्टमध्ये ३४ वटा बेलायतबाटै भएको थियो ।

सामाजिक सञ्जाल मार्फत दुरब्यहार गर्नेहरुले एकाउन्ट बन्द गरेपनि कारवाहीबाट उन्मुक्ति नपाउने बताइएको छ ।

यस घटनाको इंग्ल्याण्डको फुटबल एशोसियसन, इंग्लिस प्रशिक्षक ग्यारेथ साउथगेट र प्रधानमन्त्री बोरिस जोन्सनले भर्त्सना गर्दै निश्पक्ष छानविनको अपील गरेका थिए ।