दोलखा । एमाले दोलखाको प्रभावशाली महिला नेत्री कमला बस्नेतले पार्टी उप सचिवमा उम्मेदवारी घोषणा गर्नु भएको छ। दोलखा एमालेको १० औँ अधिवेशनमा जिल्लामा क्षमतावान नेतृत्व खोजिरहँदा उपसचिवमा बलियो उम्मेदवार हुन बस्नेत ।
बस्नेत दोलखा एमालेको एक अब्बल महिला नेतृ हुन् । उहाँ प्रति सिँगो एमाले दोलखाको समेत आशा छ । उनको पार्टीप्रतिको समर्पणले मात्रै होइन, सिँगो दोलखाली जनताको आशा र भरोसाका कारण पनि उनले यसपटक जिल्ला उपसचिवमा आफ्नो उमेद्वारी प्रस्तुत गरेको बस्नेतले बताउनुभयो ।
लामो समयदेखि नेकपा एमालेको राजनीतिमा सक्रियताका साथ लागि परिरहनुभएका उहाँ विगत २५ बर्षदेखि सामाजिक र राजनितिक अभियानमा हुनुहुन्छ ।
नेकपा एमाले वडा पार्टी कमिटी हुँदै नगर पार्टी कमिटी, क्षेत्रीय पार्टी कमिटी, जिल्ला पार्टी कमिटी हुँदै निवर्तमान पार्टी उप सचिवको जिम्मेवारी कुशलताका साथ उहाँले बहन गरिसक्नुुुएको छ ।
उहाँले यसअघि अखिल नेपाल महिला संघको वडा कमिटी अध्यक्ष, नगर कमिटी अध्यक्ष हुदै जिल्ला अध्यक्षको जिम्मेवारी समेत पुरा गरिसक्नुनुभएको छ । जिल्लामा पार्टीको शाखलाई कत्तिपनि धर्मराउन नदिने प्रतिबद्धता जनाउँदै बस्नेतले नेकपा एमालेलाइ परेको संकटको घडीमा कतिपनी विचलित नभइ अखिल नेपाल महिला संघलाइ नेतृत्व गर्दै पार्टी संगठन मजबुद बनाउन अनवरत रुपमा लागिपरिरहेको उहाँको भनाइ छ ।
पार्टीसँगै पार्टी भन्दा माथि उठेर नागरिकको सेवामा खट्दै आउनुुुएका बस्नेत आम दोलखाबासी माझ निकै लोकप्रिय हुनुहुन्छ । सोही कारण पनि २०७४ को स्थानीय निर्वाचनमा भीमेश्वर नगरपालिकामा उनलाई जनताले उपप्रमुखका रुपमा विजयी गराएका थिए । आफ्नो कार्यकालमा कुशल जनप्रतिनिधिको भूमिका निर्वाह गर्नुुभएकी बस्नेत २०७९ को स्थानीय निर्वाचनमा पनि गठबन्धनको उम्मेदवारलाई भारी मतले पराजित गर्फै उपप्रमुखमा पार्टिको विजयी झण्डा फहराउन सफल हुनुुुएको थियो ।
उहाँले यस अघि पार्टिको संगठन सुदृढिकरण अभियानमा कालिञ्चोक गाउँपालिको लागि इन्चार्ज भइ कार्य आफ्नो भूमिका निर्वाह गरेकी थिइन् भने ग्रास रूट अभियानमा शैलुङ गाउँपालिकाको इन्चार्ज भइ कार्य सम्पन्न गरेकी थिइन् । उनै बहुआयामिक नेतृ कमला यसपाली पनि आफु जिल्ला उपसचिवका रुपमा पार्टीले जिम्मेवारी सुम्पिनेमा ढुक्क हुनुहुन्छ ।
आफुलाइ अमुल्य मत दिएर उपसचिव पदमा बिजयी गराउनुहुन सम्पुर्ण प्रतिनिधिहरुलाइ उहाँले आग्रह गर्नुभएको छ।