दोलखा । नेकपा एमाले दोलखाको अधिवेशनमा अध्यक्ष पदका लागि लोकप्रिय नेता ईश्वरचन्द्र पोखरेलले उम्मेदवारी दिएका छन् ।
पोखरेल एमाले दोलखाका शीर्षस्थ नेतामा पर्छन् । उनी २०४९ मा साबिक जफे गाविसको अध्यक्ष निर्वाचित भई कांग्रेसको एकल जिविस रहेका बेला सशक्त प्रतिपक्षी नेताको रूपमा जिल्लामा स्थापित भएका थिए ।पोखरेलले नेता ब्यक्ति र नेतृत्व सामुहिक हुने बताएका छन।
पोखरेलले राजनीति लेनदेन गरि मिलाउने कारोबार नभएको बताउदै आफुसग लिन र दिन केही अभएको तर सामुहिक प्रयासबाट राजनीति जित्ने तहमा पुगियो भने हाम्रो अगाडी अनगिन्ती अवसरहरु आउने बताए ।
२०५४ मा जिल्ला विकास समिति सदस्य भएका पोखरेल २०७४ मा तामाकोशी गाउँपालिकाको अध्यक्ष निर्वाचित भएका थिए । पोखरेल निरन्तर जिल्लामै बसेर काम गर्ने नेतामा पर्छन् ।
गाउँपालिका अध्यक्ष हुँदा उत्कृष्ट कार्य गरेका अध्यक्ष पोखरेल एमाले बाग्मती प्रदेशकै प्रभावशाली एवम क्षमतावान नेता हुन ।सालिन र भद्र स्वभावका पोखरेल जिल्लामा लोकप्रिय नेताको रुपमा परिचीत रहेका छन ।
पार्टीको बिधि बिधान र पद्धति जोगाउन र समग्र जिल्लाको बिकासका लागि आफुलाइ अमुल्य मत दिएर बिजयी गराउनुहुन सम्पुर्ण प्रतिनिधिहरुलाइ पोखरेलले आग्रह गरेका छन। एमाले दोलखाको १० औं जिल्ला अधिवेशन सोमबार बाट सुरु भएको छ।
