युवा संघद्वारा सुरक्षार्मीलाई स्वास्थ्य सुरक्षाका सामग्री वितरण

धरान । युवा संघ नेपाल धरान नगर समितिले कोरोना महामारीमा फ्रन्टलाइनमा खटिएका सुरक्षाकर्मीहरुलाई स्वास्थ्य सुरक्षाका सामग्री बितरण गरेको छ ।

संघले स्थापना दिवशको अवसर पारेर सुरक्षार्मीहरुलाई मास्क, फेसशिल्ड र सेनिटाइजर वितरण गरेको हो । सुरक्षाकर्मीहरुलाई १२ सय ५० थान माक्स, १ सय २३ थान फेससिल्ड र २० लिटर सेनिटाइजर वितरण गरिएको संघका नगर अध्यक्ष भवानी दाहालले बताए । उनका अनुसार इलाका प्रहरी कार्यालय धरानलाई ६ सय थान माक्स, ५० थान फेसशिल्ड र ५ लिटर सेनिटाइजर प्रदान गरेको छ ।

यस्तै, सशस्त्र प्रहरी बललाई ३ सय २० थान माक्स, ३२ थान फेससिल्ड र ५ लिटर सेनिटाइजर, जिल्ला ट्राफिक प्रहरी कार्यालय सुनसरीलाई २ सय ३० माक्स, २३ थान फेससिल्ड र ५ लिटर सेनिटाइजर वितरण गरेको छ ।

यस्तै, वडा प्रहरी कार्यलय धरान र अस्थायी प्रहरी चौकी धरान १५ लाईसमेत माक्स तथा सेनिटाइजर वितरण गरिएको छ । वडा प्रहरी कार्यलय धरानलाई १ सय माक्स, १० थान फेससिल्ड र ५ लिटर सेनिटाइजर वितरण गरिएको छ भने अस्थायी प्रहरी कार्यालय धरान १५ लाई ८ थान फेससिल्ड र ८ थान सेनिटाइजर वितरण गरिएको संघले जनाएको छ ।

 

Back to top button