प्रतिनिधि सभाको राज्य व्यवस्था तथा सुशासन समितिका निवर्तमान सभापति रामहरि खतिवडाले आफूलाई लछारपछार गरिएको खुलासा गरेका छन्। नागरिक दैनिकका प्रधानसम्पादक गुणराज लुइँटेलसँग कुराकानी गर्दै खतिवडाले यस्तो बताएका हुन्।

‘१०/१२ दिन भइसक्यो, विधेयक जाँदैन जाँदैन। त्यसपछि मैले भनेँ- लु तयार पार्नुस् अब लानुपर्छ। मिटिङ राखौँ भने त्यहाँ सबै आएर घेर्ने, ४ गते कि ५ गते हो मेरो त्यहाँ समितिमा आएर २/३ सय जना मान्छे आएर लाछलुछ गरेर लोगो नै हरायो। पूरै लछारपछार नै गरियो। कोठामा, मिटिङ कोठामा त्यतिकै मान्छे, बाहिरपट्टि २/३ समय मान्छेले घेरेका छन्। मिटिङ गर्दाखेरि बाहिर पुलिस राखेका छौँ। छेउमा आएर फलानाले यो बोल्यो, यो के गर्ने भन्ने,’ उनले भने।