चरिकोट, दोलखा । विद्यार्थी राजनीतिमा सक्रिय भूमिका निर्वाह गर्दै आएका अनेरास्ववियु दोलखाका अध्यक्ष रामचन्द्र केसी अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को केन्द्रीय सदस्य तथा दोलखा जिल्ला इन्चार्जमा मनोनीत भएका छन्।

​दोलखामा विद्यार्थी सङ्गठनलाई चलायमान बनाउन र विद्यार्थी हक-हितका पक्षमा निरन्तर क्रियाशील रहँदै आएका केसीलाई केन्द्रीय कमिटीमा थप जिम्मेवारी दिइएको अनेरास्ववियु केन्द्रीय समितिले जनाएको छ।

​जिल्ला अध्यक्षका रूपमा दोलखाका विभिन्न क्याम्पस तथा विद्यालयहरूमा सङ्गठन निर्माण र विद्यार्थी अधिकारका पक्षमा उनले खेलेको नेतृत्वदायी भूमिकाको मूल्याङ्कन गर्दै यो जिम्मेवारी प्रदान गरिएको हो।

केसी केन्द्रीय सदस्य र जिल्ला इन्चार्जमा मनोनीत भएसँगै दोलखाका विद्यार्थी नेता, कार्यकर्ता तथा शुभचिन्तकहरूले बधाई तथा सफल कार्यकालको शुभकामना व्यक्त गरेका छन्।

​नयाँ जिम्मेवारी पाएपछि प्रतिक्रिया दिँदै केसीले प्राप्त जिम्मेवारीलाई पूर्ण इमानदारीका साथ निभाउने बताएका छन्। उनले दोलखासहित देशभरका विद्यार्थीहरूको शैक्षिक अधिकार, हक-हित र सङ्गठन विस्तारका लागि आफू अझ सशक्त रूपमा क्रियाशील रहने प्रतिबद्धता व्यक्त गरेका छन्।